Ахмет Байтұрсынов
атындағы Қостанай
мемлекеттік университеті
Басқа халықтардан кем болмас үшін біз білімді,
бай, hәм күшті болуымыз керек.
Білімді болуға оқу керек, бай болуға кәсіп керек,
Күшті болуға бірлік керек.
А. Байтұрсынов

О

13 маусымда А.Байтұрсынов атындағы ҚМУ-да жоғары оқу орындарына қабылдаудың Үлгі ережелеріндегі өзгерістерді түсіндіру туралы брифинг өтті. Мақсаты – жоғары оқу орындарына қабылдаудың Үлгі ережелеріндегі өзгерістерді түсіндіру СПИКЕРЛЕР: Алма Досжанова - қабылдау комиссиясының төрайымы, А.Байтұрсынов атындағы Қостанай мемлекеттік университетінің ректоры; Арман Бекмағамбетов – қабылдау комиссиясының жауапты хатшысы; Арман Исмаилов - Академиялық мәселелер жөніндегі директор; Азамат Исабаев – Ветеринария және мал шаруашылығы технологиясы факультетінің деканы. Биыл мектеп бітіруші түлектер үшін оң өзгерістер бар, мәселен Ұлттық біріңғай тестілеуді 4 рет тапсыру мүмкіндігі беріледі. Конкурсқа қатысуға өтініш берген кезде, үміткер университетті және білім беру бағдарламаларын көрсетеді, ол траекторияны, бағытты таңдау кезінде көбірек еркіндік пен мүмкіндік береді. Мысалы, «B044 - Менеджмент және басқару» білім беру бағдарламасына Менеджмент, Мемлекеттік және жергілікті басқару, Экономика, Спорт менеджменті, Әлемдік экономика мамандықтары кіреді.ҰБТ-ны тапсыру форматында өзгеріс жоқ, бірақ талапкерлердің тестілеуде аз балл жинаса немесе басқа профильді мамандықты таңдағысы келсе, сынақтан 4 рет өтуіне бола-ды. Ең бастысы, барлық сертификаттар университетке түсу үшін жарамды, бірақ мемлекеттік білім беру гранты бойынша конкурсқа қатысу үшін маусым айында алынатын ҰБТсертификаты қажет.Қаңтар, наурыз, маусым және тамыз айларында алынған барлық сертификаттар жарамды және университетке түсу үшін пәндер бойынша 50 балл және кемінде 5 балл алған кез-келген куәлікті ұсынуға болады. Колледждің студенттері туыстас білім беру бағдарламалары бойынша жеделдетілген оқу түрінде және тек қана ақылы түрде білім алатын болса ҰБТ сертификаты талап етілмейді. Сонымен қатар, біздің университетте колледж түлектері қашықтан оқыту технологиясын қолдана алады. Магистратураға келер болсақ, 2019 жылдың 3-і мен 25-і аралығында кешенді тестілеуге қатысуға өтінімдер қабылданады. Алдыңғы жылдардан айырмашылығы – барлық сынақемтихандары (шет тілінен сынақ, дайындықты анықтау, оқу бағдарламалары пәндерінен тест тапсыру) бір күнде тапсырылады. Болашақ докторанттар үшін құжат тапсыру мерзімі – 3 мен 25 шілде аралығы. Жаңашылдық – еуропалық стандарттарға сәйкес келетін шет тілін білетіндігін растайтын халық-аралық сертификаттар болуы керек, кемінде 4,5 балл. Биылғы жылы мемлекеттік білім беру гранттарының саны артты, жоғары және жоғары оқу орнынан кейінгі білім берудің мемлекеттік тапсырысына 69256 грант бөлінді, оның ішінде бакалавриатқа 53 785 грант, магистратураға 13 159 грант және PhD докторантурасына - 2 312 орын. Біздің университетке құжат тапсыру кезеңі: Қабылдау комиссиясы 3 маусымнан 25 тамыз аралығында жұмыс істейді. 20 маусымнан 7 шілде аралығында шығармашылық оқу бағдарламаларына (мамандықтарға) құжаттар қабылданады. Ал шілде айының 8-і мен 13-і аралығында шығармашылық емтихандар өтеді. Шілденің 13 мен 20-сы аралығында мемлекеттік білім беру грантына конкурсқа қатысуға өтінімдер қабылданатын болады. 25 шілдеден 3 тамызға дейін ҰБТ-ға қайта қатысу үшін құжаттар қабылданады. 3-ші шілдеден 25 шілдеге дейін магистратура мен докторантураға құжаттар тапсырылады.  
2019 жылдың 24 мамырында аккредиттеу және рейтингтің тәуелсіз агенттігінің аккредиттеу кеңесінің отырысында А.Байтұрсынов атындағы Қостанай мемлекеттік университетінің және 19 білім беру бағдарламасының халықаралық аккредитациясы туралы шешім қабылданды. Университет тұтастай және бірінші кезеңнің барлық бағдарламалары толық мерзімге (5 жылға) аккредиттелген. «Университет ұжымын халықаралық аккредитациядан табысты өтуімен құттықтаймыз және білім беру мен ғылыми зерттеулердің сапасын арттыруға одан әрі табыстар тілейміз», - деп жазады Тәуелсіз аккредиттеу агенттігінің директоры Алина Жұмағұлова. Аккредиттелген университеттік бағдарламалар туралы ақпаратты Аккредитация бөлімінен табуға болады.  
Польшаның Қазақстан мен Қырғызстандағы Төтенше және өкілетті елшісі, ғылым докторы, Варминьско-Мазурский университетінің саясаттану институтының профессоры Селим Хазбиевич А.Байтұрсынов атындағы Қостанай мемлекеттік университетіне жұмыс сапармен келді. Ол университеттің оқытушыларымен, студенттермен кездеседі. Ал «Қазақстан тарихы» кафедрасының магистранттары мен докторанттарына «Польша-Литва татарлары және Алтын Орда», «Жаңа заман дәуірінде Польша мен Ресей империясының геосаяси қатынастары» («ХҮ1-ХХ ғғ.»), «Интеграция. Интеграцияның тарихы мен генезисі» тақырыбында дәріс оқылады. Қонақтар Қостанайға келсімен ҚМУ-нің «Парасат» цифрлық орталығында, «Білім орталығы» ғылыми кітапханасына ат басын бұрды. Түстен кейін Польшаның елшісі университеттің ректоры Алма Досжановамен кездесті. Онда екі жоғары оқу орны арасындағы ынтымақтастық жоспарлары талқыланды, сондай-ақ екі елге тән жоғары білім беру мәселелері - студенттердің өзге елдерге кетуі, жұмыспен қамту және жоғары оқу орнынан кейінгі білім беру мәселелері талқыланды.  
Қазақстан Республикасындағы жоғары білім беруді дамытудың келешегі жас зерттеушілермен, яғни студенттер мен магистранттарды ғылыми жобаларға конкурстық іріктеу негізінде, заңды тұлғалардың гранттық қолдауымен ең өзекті жобаларға тартуымен байланысты. Халықаралық қайта құру және даму банкінің қаржылық қолдауымен Қазақстан жастар конгресі өткізген Республикалық ғылыми жобалар байқауының жеңімпаздарының бірі – гуманитарлық-әлеуметтік факультетінің «Педагогика және психология» оқу бағдарламасының магистранты Аслан Манатов. Жобамның атауы – «Дети дождя». Мұндай тіркесті аутизммен ауыратын балаларды атағанда қолданамыз. Бұл тақырып мені психолог ретінде де, адам ретінде де толғантады. Сондықтан бұл іс-шараға қатысуым кездейсоқ емес. Бірінші курста оқып жүргенде тәжірибеден өтуге Мүгедек балаларды бейімдеу орталығына бардым. Онда аутизммен ауыра-тын балаларды алғаш рет көрдім. Содан бері мені дене бітімі, сыртқы келбеті сау балалар өздерінің құрдастарынан неге соншалықты ерекшеленеді, неге олар ойнауға, басқа адамдармен қарым-қатынас жасауға және ең бастысы, оларға қалай көмектесуге болады деген сауалдар мазалайды. Ғылыми әдебиеттерді оқып, орталыққа барып балаларға бақылау жасауды және олардың ерекшеліктерін зерттеуді бастадым. Балалар бірден болмаса да маған үйрене бастады, қатынасқа түсетін болды. Сөйтіп мені осы орталықта ерік-ті негізде жұмыс істеуге ұсынды.
-  осындай атаумен А.Байтұрсынов атындағы Қостанай мемлекеттік университетінде халықаралық ғылыми-практикалық конференция өтті. Адам өмірінің алуан түрлі салаларындағы технологиялық даму көптеген заңды құрылымдардың табиғатын түбегейлі өзгертеді немесе оларды жаңа мазмұнмен толтырады. Уақыттың қиындықтарын ұстануға тырысқан кезде әлеуметтік-технологиялық жаңалықтарды уақытылы және лайықты түрде бағалау мүмкін емес. Осыған байланысты футурологиялық, пәнаралық және мәдениетаралық көзқарас тұрғысынан заманауи заңдарды қарастырудың өзекті қажеттілігі бар. Шақырылған қонақтар арасында Ресей мен Германиядан келген ғалымдар бар. Конференцияда ҚМУ мен Фехта (Германия Федеративтік Республикасы) университеті арасында ынтымақтастық туралы меморандумға қол қойылды.  - «Біз серіктестікке дайынбыз»,-деді Ректор Алма Досжанова. - Іс-шара барысында ҚР-ның Конституциялық Кеңесі ұйымдастырған конституциялық өндіріс бойынша Республикалық олимпиадаға қатысқан 10 студент сертификат-тарға ие болды. Мемлекет және құқық теориясы кафедрасының меңгерушісі, заң ғылымдарының кандидаты Сымбат Укин мен мемлекеттік және құқық теориясыкафедрасының аға оқытушысы Индира Талтановаға алғыс хат табысталды.    
Мамырдың 13-і мен 15-і аралығында «Зарядье» паркінде «Еуразия кеңістігі» халықаралық медиафорумы өтті, оған журналистика мамандығының студенттері Регина Хасанова мен Адиля Аубакирова қатысты. Форум бірнеше кезеңнен тұрды, бастапқысы өтініштерді қабылдау болды. Финалистер Қазақстандағы, Қырғызстандағы, Армениядағы, Белоруссиядағы және Ресейдегі студенттік бұқаралық ақпарат құралдарының жастары арасында таңдалды. Ең үздік шығармашылық жұмыстардың авторлары Мәскеуге шақырылды. Финалистер үшін семинарлар, пресс-конференциялар мен әртүрлі БАҚ өкілдерімен кездесулер өткізілді. Олардың ішінде тележүргізушілер Екатерина Андреева, Дильбар Файзиева, Журналистер одағының төрағасы Владимир Соловьев, Артур Соколов, Аббас Джума, Эрнест Макеевичус, Ресей Журналистер одағының хатшысы Роман Серебряни және тағы басқалар бар. Халықаралық бәйгеде біздің студенттеріміздің жұмыстары жақсы бағаға ие болды. Журналистика мамандығының 2 курс студенті Регина Хасанова жасаған «Қысқы қайырымдылық кеші» туралы репортаж финалға жолдама алды. Қуантарлығы, бұл шығармашылық жұмыс конкурсқа қатысуға өтініш білдірген 1000 үміткердің арасынан үздіктер қатарына таңдалып алынды. Репортаж «Газет, журналдар, теледидар және радио бағдарламаларын шығару» пәні бойынша дайындалды, жетекшісі аға оқытушы Амангүл Өстемірова. «Журналистика және коммуникациялық менеджмент» кафедрасының оқытушысы Мадина Болатованың жетекшілігімен әзірленген 3-курс студенттері мен Адиля Әубәкірованың бірлескен медиа жобасы ұжымдық номинацияға ие болды. «Қостанай қаласының қызықты орындары» жобасы да үздіктер қатарынан табылды. 14 мамырда жеңімпаздар салтанатты түрде марапатталды, ал студенттер Қазақстанға дипломдармен және естелік сыйлықтармен оралды. Форумның серіктестері мен ұйымдастырушылары Гуманитарлық ғылымдар мемлекеттік академиясы, «Зарядье» паркі, Ресей Журналистер одағының Жастар орталығы, Президенттік гранттар қоры және Ресей Сыртқы істер министрлігі болды. Барлық шығындарды ұйымдастырушылар өз мойнына алды.  Мұндай іс-шаралар Ресейдегі және Еуразиялық экономикалық одақ елдеріндегі студенттік журналистиканы қолдау мен дамытуға бағытталған.
1 2 3