ҚР ҰҚМ сыртқы академиялық ұтқырлық бағдарламасы

ҚР ҰҚМ академиялық ұтқырлық бағдарламасы ЖОО білім алушыларына шетелдік ЖОО-да семестрді өткізуге мүмкіндік береді. Бағдарлама екі жаққа да жол жүру шығындарын, медициналық сақтандыруды, визаны рәсімдеуді және 120 күн ішінде тұру шығындарын жабады.

Академиялық ұтқырлық бағдарламасына қатысуға бакалавриаттың 2-3 курс студенттері, үлгерімі жоғары және шет тілін еркін меңгерген магистранттар, докторанттар жіберіледі. 

Қатысуға қойылатын басты талап халықаралық үлгідегі тілдік сертификаттың (IELTS, TOEFL, OnDaF, DELF, TCF, Goethe-Zertifikat) міндетті түрде болуы болып табылады!

Сондай-ақ ағылшын тілінде ресімделетін төмендегі құжаттар қажет:

• аппликация нысаны немесе өтінім түйіндеме;
• университеттің елтаңбалы мөрімен расталған транскрипт;
• тиісті дипломдардың, сертификаттардың және бағалары бар қосымшалардың көшірмелері (тек магистранттар мен PhD студенттер, ПОҚ үшін)
• негіздеме хат;
• екі ұсыныс хат (ресми бланкілерде);
• төлқұжаттың көшірмесі;
• қол қойылған және басып шығарылған құрмет декларациясы. 

Негіздеме хатында келесі болуы керек:

• неліктен сіз осы мекемеде осы оқу бағдарламасын таңдадыңыз немесе неге Еуропада зерттеу жұмыстарын жүргізуге шешім қабылдадыңыз;
• бағдарлама сіздің бұрынғы біліміңізбен қалай байланысты;
• ЕО бағдарламасы сіздің мансабыңызға қалай әсер етеді.