Бангкокте (Таиланд) ересектер арасындағы джиу-джитсудан әлем чемпионаты аяқталды. Қазақстан құрамасы жоғары деңгейде өнер көрсетіп, 11 алтын, 16 күміс және 13 қола медальді жеңіп алды!
Жеңімпаздар құрамында ҚӨУ студенті де бар!!!
Мақсат Төленді – ҚӨУ педагогикалық институтының дене шынықтыру және спорт теориясы мен практикасы кафедрасының 4-курс студенті.
«Ноу-ги» 85 кг салмақ дәрежесінде ол алтын медальға ие болып, екі дүркін әлем чемпионы атанды!
Мақсат керемет төзімділігімен, шеберлігімен және жеңіске деген берік ерік-жігерімен барлығын тәнті етті. Енді оның есімі әлемдік үздік спортшылардың қатарында!
Қазақстанда джиу-джитсу ерекше мәнге ие: бұл спорт түрі дамып, қолдау табуда. Біздің спортшылар халықаралық ареналарда, Азия және әлем додаларында тұрақты түрде өз шеберліктерін дәлелдеп келеді.
Студентімізді құттықтаймыз! Мақсат, біз сені мақтан тұтамыз!!!
