Дропперлік үшін жауапкершілік

Бүгін Қостанай өңірлік университетінің Ө. Сұлтанғазин атындағы педагогикалық институтында студенттерге дропперлік туралы мамандар түсіндірме берді.

Кездесу спикерлері:

• Қостанай облысы ПД киберқылмыспен күрес басқармасының жедел уәкілі, полиция аға лейтенанты Даниил Боханов.
• Қауіпсіздік бөлімінің бас маманы Мейрам Шегебаев.
• «Қазақстан Халық Банкі» АҚ ҚОФ ЦБО1 бөлімінің бастығы Айгерім Башикова.

Спикерлер 2025 жылдың 16 қыркүйегінен бастап Қазақстанда дропперлікке байланысты қылмыстық жауапкершілік заң жүзінде қарастырылғанын қадап айтты.

Банк картаңызды, жеке шот мәліметтерін басқаға бердіңіз бе немесе «жеңіл табыс» деп ақша аудардыңыз ба? Бұл – жеңіл табыс емес, ҚР Қылмыстық кодексінің 232-1-бабына сәйкес қылмыс болып саналады

Дроппер деген кім?

Бұл – келесі әрекеттерді жасайтын адам:

• өз банк картасын, шотын немесе ұялы әмиянын басқа кісіге береді;
• өз атына түскен ақшаны қабылдап, оны әрі қарай басқа тұлғаларға аударады;
• үшінші тұлғаларға сим-карта, банк картаcы немесе шот ашып береді.

Егер сіз «жай ғана көмектестім» деп ойласаңыз да, қылмыстан бейхабар болсаңыз да – заң бойынша сіз қылмыскер болып саналасыз! Сақ болыңыз!