Қостанай өңірлік университетінің оқытушылары, студенттері және қызметкерлері «Таза Қазақстан» республикалық бастамасы аясында Қостанай қаласындағы Триатлон паркінде өткен экологиялық акцияға белсенді қатысты.
Іс-шара барысында қатысушылар парк аумағын абаттандыруға үлес қосып, жас көшеттер отырғызып, көгалдандыру жұмыстарын жүргізді.
Акция қаланың жасыл қорын арттыруға және экологиялық жағдайды жақсартуға бағытталған.
Іс-шараға Мемлекет басшысы Қасым-Жомарт Кемелұлы Тоқаев телемост арқылы қатысып, бастаманың маңыздылығын атап өтті.
Ол Астана қаласындағы саябақтардың бірінде ағаш отырғызуға қатысты.
Жалпыұлттық акцияның басты мақсаты — қоршаған ортаны қорғау, тазалық мәдениетін қалыптастыру және қоғамның экологиялық жауапкершілігін арттыру.
</p
</p
