Жас спортшы Қостанай ауданының намысын қорғаған команда құрамында өнер көрсетіп, 12 команданың арасынан үздік атанды. Тартысты өткен бәсекеде Қостанай ауданының көкпаршылары қарсыластарынан басым түсіп, 1-орынға ие болды. Командаға 2 млн теңге көлемінде жүлде табысталды.
Бахтияр үшін көкпар – бала кезінен жүрегіне жақын спорт түрі. Ол алғаш рет 7 жасында атқа отырған. Ал 12 жасында көкпарға келіп, осы ұлттық спорттың қыр-сырын меңгере бастаған.
Бүгінде университет студенті көкпарда жартылай қорғаушы позициясында ойнайды. Бұл – жылдамдықты, ептілікті, батылдықты және ат үстінде шешім қабылдай білуді талап ететін жауапты рөл.
Бахтиярды және оның командасын жеңістерімен құттықтаймыз! Алда бұдан да биік белестер мен жеңістер көп болсын!
