ҚӨУ-де әлеуметтік серіктестік пен инклюзияның маңызды принциптері талқыланды.
«Теңсіздікті қысқарту» ТДМ 10 (Тұрақты даму мақсаттары – әлем бойынша қабылданған мақсаттар) барлық адамдардың тең құқығы мен мүмкіндіктерін қамтамасыз етуге бағытталған.
Инклюзия принциптері қоғамдағы барлық адамдарға тең мүмкіндіктерді қамтамасыз етеді және Қазақстан Республикасының білім беру мен басқа салалардағы клиентке бағытталған мемлекеттік саясаттарының негізін құрайды.
Осы орайда, 5 қарашада ҚӨУ-де Қостанай облысының жергілікті атқарушы органдарының әдеп жөніндегі өкілдері, орталық мемлекеттік органдардың өңірлік бөлімшелері және өңірлік әкімдердің орынбасарлары үшін семинар өтті.
Ұйымдастырушылар – Қостанай облысы әкімдігінің аппараты мен ҚР Мемлекеттік қызмет істері агенттігінің жергілікті департаменті.
Семинардың негізгі бағытын Қостанай облысы әкімдігі аппаратының әдеп жөніндегі уәкілі Қайрат Сүйіндіков пен Мемлекеттік қызмет істері агенттігінің департамент басшысы Ерлан Салықбаев: «Мақсат – өңірде клиентке бағдарланған мемлекеттік саясатты іске асыруда мемлекеттік қызметшілердің кәсіби құзіреттілігін арттыру», – деп белгіледі.
Қостанай облыстық мәслихаты төрағасы, Қазақстан мемлекеттік қайраткері Серік Бектұрғанов мемлекеттік қызметте әлеуметтік және гендерлік аспектілердегі дискриминацияның алдын алу мәселесін көтерді.
Қостанай облысы әкімінің отбасы, демографиялық және гендерлік саясат жөніндегі кеңесшісі Гүлмира Капенова халықпен тиімді коммуникация әдістері мен құралдарын талқылады.
Инклюзия қағидаларын білу конструктивті және клиентке бағытталған коммуникацияларды ұйымдастыру механизмдері мен құралдары арқылы нақты іске асырылады.
Бұл туралы Ахмет Байтұрсынұлы атындағы Қостанай өңірлік университетінің инклюзивті білім беру және психологиялық қолдау орталығының меңгерушісі Татьяна Зуева егжей-тегжейлі баяндады.
Орталықтың міндеттерінің бірі – әртүрлі деңгейдегі мамандарда инклюзивті сана мен құзіреттілікті қалыптастыру.
Әлеуметтік әріптестік форматы аясында бұл жұмыс өңірде ТДМ 10 «Теңсіздікті азайту» мақсаттарына қол жеткізуге ықпал етеді.
