1 курс студенттер тобына арналған тренинг оларды толғандырып жүрген мәселелер аймағын анықтауға мүмкіндік берді.
Сонымен қатар, қаңтар айынан бастап топта ерекше білім беру қажеттіліктері бар студент білім алуда.
Қазіргі уақытта студенттер бір-біріне және инклюзивті білім беру үдерісінің әмбебап кескіні форматындағы оқу жүйесіне бейімделу кезеңінен өтуде.
Тренингтік жаттығулар әртүрлілікті қабылдау мен инклюзияны дамытуға, эмпатияны қалыптастыруға және қолдау мәдениетін орнықтыруға бағытталды.
Сондай-ақ қарым-қатынас дағдыларын дамытуға (байланыс орнату, диалогты қолдау), өзін-өзі бағалау мен «Мен» бейнесімен жұмыс істеуге, әлеуметтік және оқу жағдайларында сенімділікті арттыруға, өзін-өзі реттеу және жоспарлау дағдыларын қалыптастыруға ерекше назар аударылды.
Топпен жұмыс жалғасатын болады, ал болашақ психологтар үшін бұл инклюзияны қолдау мен психологиялық сүйемелдеудің жақсы тәжірибесі болды.
