Университет ректорының ресми блогы
Куанышбаев Сеитбек Бекенович
А. Байтұрсынов атындағы Қостанай өңірлік университетінің Басқарма Төрағасы-Ректоры,
География ғылымдарының докторы
Қымбатты достар!
Ахмет Байтұрсынұлы атындағы Қостанай өңірлік университетінің ресми сайтына қош келдіңіздер!
Қостанай өңірлік университеті – ерекше және ғажап оқу орны. Жоғары және жоғары оқу орнынан кейінгі білім беру ұйымдары қызметінің жекелеген салаларындағы жарқын жеңістері мен елеулі жетістіктерінің саны бойынша еліміздегі ең көне немесе ең ірі университет бола алмағанына қарамастан, біздің университет көбіне атақты жоғары оқу орындарынан кем түспейді, тіпті олардан асып түседі.
Біздің университеттің бай және қызыққа толы тарихын көптеген талантты, ерік-жігері мықты және бірегей адамдар жасаған, олар өз Alma mater-ін жақсы көрді және мұнда ұлттық тәрбиенің озық дәстүрлерімен жұмыс істеді. Аға әріптестерінен қалған барлық жақсылық пен жарқындықты мұқият сақтай отырып, қазіргі ұжым ғылым мен инновация саласындағы озық тенденцияларды ұстанып, өзін белсенді түрде дамытып, университетімізді де дамытып келеді. ҚӨУ түлектері жоғары кәсіби біліктілік пен терең пәнаралық білімді ұштастыра біледі. Нәтижесінде Қостанай облысы тұрғындарының бірнеше ұрпағы осында өздері білім алып, балалары мен немерелерін бізге әкеліп жатыр.
Университеттің ғылыми-инновациялық жұмысы іргелі және қолданбалы зерттеулерді дамытуға, ғылымды көп қажет ететін өнімдерді жасауға, заманауи өндіріс пен қоғамның қажеттіліктерін қанағаттандыруға бағытталған. Өсімдік шаруашылығы, ауыл шаруашылығы, агрохимия және топырақтану, микробиология, ветеринария және мал шаруашылығы, өсімдік және жануарлар биотехнологиясы, ауыл шаруашылығын механикаландыру және электрлендіру, IT-технологиялар, археология саласындағы, сондай ақ гуманитарлық-педагогикалық бағыттағы ҚӨУ оқытушыларының ғылыми зерттеулері мен әзірлемелерінің практикалық нәтижелері республикада кеңінен қолданылуда.
Университет қызметінің жетекші бағыттарының бірі халықаралық ынтымақтастық болып табылады. Қос дипломдық бағдарламалар, академиялық ұтқырлық, халықаралық ғылыми және білім беру жобалары жүзеге асырылуда, университеттің шетелдік серіктестерінің белсенді қатысуымен ғылыми іс-шаралар өткізілуде.
Жыл сайынғы рейтингтің қорытындысы бойынша университет ЖОО-ның білім беру бағдарламаларының 80% «Атамекен» ҰКП рейтингінде және көрсеткіштердің тұрақты динамикасын көрсетіп отырғанын қуана хабарлаймын. Ең маңыздысы, университетіміз аккредиттелген және барлық білім беру бағдарламалары 100% аккредиттелген. Осының барлығы Қостанай өңірлік университетінде білім алу тек іргелі білімдерді меңгеру және кәсіби құзіреттілікті қалыптастыру ғана емес, сонымен қатар заманауи мамандарға қойылатын әлемдік талаптарға сәйкестік екенін барынша дәлелдейді.
Ахмет Байтұрсынұлы атындағы Қостанай өңірлік университетінде тек кәсіби білім алу үшін ғана емес, жеке тұлғаның үйлесімді дамуына барлық жағдай жасалған.
Студенттердің мәдени, спорттық және қоғамдық өмірдегі қабілеті мен дарындылығын ашуға көп көңіл бөлінеді. Нағыз оқиғалар, тартымды жобалар, ғылыми жаңалықтар және жаңа қызықты танысулар – мұның бәрі сізді біздің университетте күтеді!
Біз сіздерді Қостанай өңірлік университетінің қабырғасында, сондай-ақ осы сайтта және әлеуметтік желілердегі парақшаларда күтеміз!
Құрметпен, ректор С.Б.Куанышбаев
Өтініштер:
2025 жылғы мәлімет бойынша, B013 Биология мұғалімдерін даярлау мамандығында жалпы гранттың ең төменгі өту балы 99 балл, арнайы грант бойынша 86 балл, ауылдық квота бойынша 92 балл, ал ауылдық квотадағы арнайы грант бойынша 80 балл болды. B012 Химия мұғалімдерін даярлау мамандығында жалпы гранттың ең төменгі өту балы 101 балл, арнайы грант бойынша 86 балл, ауылдық квота бойынша 93 балл, ал ауылдық квотадағы арнайы грант бойынша 79 балл болды. Дегенмен, гранттың өту балы жыл сайын талапкерлер саны мен олардың нәтижелеріне байланысты өзгеретінін ескеру қажет. Сондықтан биылғы конкурс қорытындысы бойынша өту балы жоғары да, төмен де болуы мүмкін.
Егер Сіз бұрын университетте оқып, кейін оқудан шыққан болсаңыз, алдымен деканат арқылы оқуды қайта қалпына келу мүмкіндігін қарастырғаныңыз жөн. Егер бұл мүмкіндік болмаса, онда B020 Арнайы педагогика (логопед, дефектолог) білім беру бағдарламасына түсу үшін ҰБТ тапсыруыңыз қажет. Аталған бағдарлама бойынша ҰБТ-ның бейіндік пәндері биология және география. Грант конкурсына қатысу және ақылы бөлімге түсу үшін шекті балл 75.
В соответствии с правилами проведения единого национального тестирования, утверждёнными приказом Министра образования и науки Республики Казахстан от 2 мая 2017 года № 204, единое национальное тестирование (ЕНТ) является основным способом оценки знаний лиц, поступающих в высшие учебные заведения Республики Казахстан.
Исключение составляют выпускники колледжей, имеющие техническое и профессиональное или послесреднее образование. При поступлении на родственную специальность по сокращённой программе обучения они могут быть зачислены на платное обучение по результатам вступительного экзамена вуза без сдачи ЕНТ.
Университетте педагогикалық және құқық мамандықтарына шекті балл 75, ал қалған мамандықтарға – 50 балл. Алайда сұрағыңызға нақты жауап беру үшін ҰБТ-да тапсырған бейіндік пәндеріңізді көрсетуіңіз қажет.
Колледжде бітірген мамандығыңыздың классификатор бойынша қай мамандыққа туыстас екенін анықтау үшін дипломыңызды қабылдау бөлімінің нөміріне жіберуіңізді сұраймыз. Сол кезде нақты қандай мамандықтарға, соның ішінде «Қазақ тілі мен әдебиеті» немесе «Тарих» мамандықтарына түсе алатыныңызды тексеріп, толық ақпарат бере аламыз. Егер туыстас мамандық анықталса, әзірше ақылы бөлімге ҰБТ тапсырмай-ақ түсу мүмкіндігіңіз бар. Жылдық оқу ақысы 549 000 теңгені құрайды. Төлемді бөліп төлеу мүмкіндігі қарастырылған.
Республикалық гранттан айырмашылығы педагогикалық квота тек университтерге педагогикалық мамандықтар топтарына бөлінеді. Бұл гранттар нақты жоғары оқу орындарына берілетіндіктен, талапкерлер жеке конкурс бойынша қатысады. Біздің университетке педагогикалық квота бөлінгендіктен, бізді таңдасаңыз Сіз конкурсқа автоматты түрде қатыса аласыз.
2025 жылғы мәлімет бойынша B016 «Қазақ тілі мен әдебиеті мұғалімдерін даярлау» мамандығына гранттың ең төменгі өту балы жалпы грант бойынша – 122 балды, арнайы грант бойынша – 113 балды, ал ауылдық квота бойынша – 115 балды құрады. Ал B037 «Филология» мамандығы бойынша жалпы гранттың ең төменгі өту балы 122 бал болды. Сондықтан 83 баллмен грантқа түсу мүмкіндігі сұрақ тудырады. Дегенмен, балыңыз шекті баллдан асқандықтан, конкурсқа құжат тапсыра аласыз. Егер биыл талапкерлердің саны мен нәтижелері өзгерсе, өту балы да өзгеруі мүмкін.
Если я наберу 50 баллов меня сразу могут принять на платную основу если я не прошла на грант?
По образовательной программе В047 «Маркетинг и реклама» в 2026 году выделено всего 200 грантов, а в прошлом году минимальный проходной балл на грант составил 114 баллов. Если на грант пройти не получится, при наличии 50 и более баллов Вы сможете поступить на платное отделение.
Жалпы толық оқу нысаны бойынша 2025 жылы 152 грант, ал 2026 жылы 200 грант бөлінген. Алайда 6В042 Құқық мамандығы бойынша ішкі гранттар қарастырылмаған.
Қабылдау комиссиясы 20 маусым мен 25 тамыз аралығында жұмыс істейді.
Бакалавриатқа түсу үшін келесі құжаттар қажет:
* Диплом немесе аттестат және қосымшасы (түпнұсқа, көшірме және PDF форматында);
* Жеке куәліктің 2 көшірмесі (қағаз және PDF форматында);
* 3×4 көлеміндегі 6 фотосурет;
* 075/у нысанындағы медициналық анықтама;
* 065/у (063/у) нысанындағы екпе картасының көшірмесі;
* ҰБТ сертификаты (бар болған жағдайда);
* Басқа ЖОО-да тапсырылған шығармашылық немесе арнайы емтихан ведомосынан үзінді көшірме (бар болса);
* Білім беру грантын тағайындау туралы куәлік (бар болса);
* Тегі, аты, әкесінің аты өзгерген жағдайда растайтын құжат;
* Квота, жеңілдік немесе басым құқықты растайтын құжаттар (бар болса); * Ер азаматтар үшін әскери билет көшірмесі (бар болса).